Showing all 13 results

ჩვენება 9 24 36

თაროს გამყოფები და ფუშერი

დიდი ეფექტის მისაღებად, დაგვეთანხმებით, წვრილმანებს უდიდესი მნიშვნელობა აქვს. მომხმარებელს განსაკუთრებით სიამოვნებს საყიდლებისათვის მოწესრიგებულ და ორგანიზებულ პუნქტში მისვლა, ამიტომ სავაჭრო ობიექტები დიდ ყურადღებას აქცევენ თაროებზე სათანადოდ წარმოდგენილ პროდუქციას.

„რითეილერ“-ი თაროების გამყოფებისა და ფუშერების ფართო არჩევანს გთავაზობთ, მათი დახმარებით ნებისმიერი ტიპის თაროზე განათავსებთ სასურველ პროდუქტს ეფექტურად.

მყიდველისათვის მსგავსი განლაგება ძალიან მოსახერხებელია, მათ უადვილდებათ სასურველი ნივთის მოძიება, თაროდან პროდუქტის აღების/დაბრუნების შემთხვევაში არ ირევა პროდუქცია ერთმანეთში და დღის ბოლოს მოწესრიგებაც ბევრად მარტივდება.

გამყოფები და ფუშერი დაგეხმარებათ პროდუქციის კონტროლსა და აღრიცხვაში: გაყიდული ნივთების მარტივად აღქმაში, ასევე შეგიმცირებთ დროს ვადაგასული პროდუქციის აღმოჩსაჩენად. შედეგად, დაზოგავთ მაღაზიის პერსონალის დროსა და ენერგიას.

  1. თაროს გამყოფები და ოვალური გამყოფები სწორედ ის Pos მასალებია, რომლებიც სრულყოფილი წესრიგისათვის არის განკუთვნილი. მისი დახმარებით თაროებზე სხვადასხვა კატეგორიის მიხედვით მარტივად დაახარისხებთ თქვენს პროდუქციას. ადვილად ერგება ნებისმიერი სიღრმის თაროს, ვინაიდან გამყოფის სიგრძის რეგულირება თავად შეგიძლიათ. ზოგიერთ მოდელს წინა მხარეს აქვს T შემზღუდველი, რომელიც დაგეხმარებათ თაროზე განთავსებული საქონელი არ გადმოცვივდეს.
  2. T პროფილი წებოვან ლენტაზე – ის პროდუქტია, რომელიც დამხმარე რესურსად გამოიყენება გამყოფების თაროზე მყარად განსათავსებლად. მაგრდება გამყოფის წინა და უკანა კიდეზე. სიგრძის რეგულირება მარტივია.
  3. სავაჭრო ობიექტებში დღის განმავლობაში თაროზე მარაგების შევსება პრაქტიკულად შეუძლებელია, თუმცა მომხმარებელმა ეს არ უნდა იგრძნოს, მათთვის საქონელი ხელმისაწვდომი და თვალსაჩინო რომ იყოს, ამაში პროდუქციის უკანა საყრდენი დაგეხმარებათ. მისი მეშვეობით პროდუქციის განლაგების სიღრმეს ზღუდავთ. მასთან ერთად გამოიყენება გოფრირებული პროფილი რომელზეც მაგრდება უკანა საყრდენი ნაწილი, და პროდუქციის წინ წამომწევი პროფილი, რომლის დახმარებითაც თაროს სიღრმიდან პროდუქტი წინ სირთულის გარეშე მოგვაქვს. როგორც თაროების გამყოფის, ისე გოფრირებული პროფილის სიგრძის რეგულირება მარტივად შეგიძლიათ.
  4. პროდუქციის მიმწოლი – სპირალური ზამბარით დამზადებული აღნიშნული პროდუქტი ავტომატური სისტემით გამოირჩევა, მისი უნიკალური ფუნქციაა, თაროდან აღებული ნივთის დროს ამოქმედდეს, მიაწვეს მწყობრად ჩალაგებულ პროდუქციას ბოლოდან და წინ ავტომატურად წამოსწიოს. მისი მეშვეობით თქვენი თაროები საქონლით მუდმივად სავსე ეფექტს შეიძენს.

➤ თაროების გამყოფებისა და ფუშერების გამოყენება რეკომენდებულია:

▪  სასურსათო მაღაზიებში

– სიგარეტის, ყველისა და ძეხვეულის შეფუთვების,  სანელებლების, შოკოლადისა და მრავალი სხვა პროდუქტის დასახარისხებლად;

▪  აფთიაქებსა და კოსმეტიკის მაღაზიებში

– კრემების, შამპუნების, კოსმეტიკური ნაკრების ერთმანეთისგან გასამიჯნად;

▪  ტექნიკის/სამშენებლო მაღაზიებში

– საღებავების, ნათურების, სამონტაჟო აქსესუარების ორგანიზებულად წარმოსადგენად.